ھەروەک لای ھەمووان زانراوە لەم وەرزەدا ڕووبەڕووی گەرمایەکی زۆر و تاقەتپڕوکێن دەبینەوە کە لەھەندێک حاڵەتدا ئەگەر ھاتوو بەشێوەیەکی دروست مامەڵەی لەگەڵدا نەکرێت لەوانەیە چەندین حاڵەتی نەخوازراو و نەخۆشی جوراو جۆری لێبکەوێتەوە ھەروەھا لە ھەندێک کاتدا لەوانەیە بگاتە حاڵەتی خۆربردن و تەنانەت مردنیشى لێبکەوێتەوە.
بۆ دورکەوتنەوە لە توشبوون بەو حاڵەتە نەخوازراونە پێویستە کۆمەڵێک ڕێنمایی جێبەجێبکرێت ھەندێک لەو ڕێنماییانەش بریتین لە:-
١- ھەتا دەکرێت دوورکەوتنەوە لە بەرکەوتنی ڕاستەوخۆ بە تیشکی خۆر و دورکەوتنەوە لە کارکردن لە کەشوھەوای زۆر گەرمدا بەتایبەت لەو کاتانەی کە پلەی گەرمی زۆر بەرزە لە ڕۆژەکەدا، وەک لە کاتی نیوەڕواندا.
٢- دوورکەوتنەوە لە ماندووکردنی جەستە لە کەشوھەوای زۆر گەرمدا.
٣-گرنگیدان بە خواردنەوەی بڕێکی پێویست و بەرچاو لە ئاو.
٤-دوورکەوتنەوە لەو خواردنەوانەی کە بڕێکی زۆر لەشەکریان تێدایە.
٥-ھەوڵدان بۆ وەرگرتنی پشوو بە بڕێکی پێویست لە چەند کاتێکی جیاواز له ڕۆژەکەدا.
٦-پۆشینی جلوبەرگی گونجاو بۆ کەشی گەرم، وەک جلوبەرگێک کە قوماشەکەی لۆکە و فراوان و لە ڕەنگە کراوەکان بێت.
٧-ھەتا دەکرێت فێنککەرەوەکان وەک(پانکە، موبەریدە، سپلیت،…ھتد) بەکاربھێنرێت.
٨-بەکارھێنانی کەرەستە خۆپارێزییە پێویستەکان لە کاتی چونە دەرەوەدا وەک بەکارھێنانی چەتر یاخود کڵاو.
![](https://www.viewpioneer.com/wp-content/uploads/2024/01/گەرما.jpg)